အမျိုးသမီးများနေ့ဟာ
မတ်လ ‘8’ ရက်ပါ။
ခေါင်းမော့ရင်ကော့ကော့။
မိန်းမများရဲ့တာဝန်မှာ
အိမ်မှုရေးရာကိစ္စပါ။
ခေတ်နောက်ကျတဲ့ ဒီတွေးများ
ရှောင်ကာဖယ်လို့ထား။
စွန့်ဦးတီထွင်၊လုပ်ငန်းရှင်
ဆရာမ၊ဒေါက်တာ၊ပညာရှင်
ခေတ်နှင့်ညီသောတွေးခေါ်အား
ပေးစွမ်းနိုင်သူများ။
သိက္ခာတော်ရ၊ သီလရှင်
ဘက်ပေါင်းစုံမှအမျိုးသမီးတွေ
ကောက်စိုက်မနှင့်သမ္မတ
တောသူမနှင့်မြို့သူမ
တော်လှန်ရေးရဲ့အရွေ့မှာ
သူတို့ရဲ့ စွမ်းအားပါ။
အမျိုးသမီးစစ်သည်တို့ရဲ့အား
မလျော့မတွက် လေးစားထား။
နေရာမတူလည်းတူနေတာ
အမျိုးသမီးဖြစ်ခြင်းပါ။
ဒါကြောင့်တန်းတူလေးစားစို့
ဒို့ကွန်ယက်ကြီးကျယ်ပြန့်ဖို့။
အမျိုးသမီးများရဲ့အခွင့်အရေးကို
ကိုယ်တိုင်ဖန်တီးယူ။
အပြန်အလှန်တို့လေးစား
ညီအစ်မလေးများ။
ရဲရဲတောက်တဲ့အလှနဲ့ကွယ်
ကိုယ်တိုင်ပွင့်လန်းမယ်။
အပြုံးချိုချိုပန်ဆင်လို့
ထက်မြက်နူးညံ့စို့။
ကဗျာ – ဗေဒါ
