တော်လှန်ပြည်သူရဲဘော်အပေါင်းတို့ရှင့်…
ဒီနှစ်ဟာဆိုရင် ကျွန်မတို့ မြန်မာနိုင်ငံသူ/သား တွေရဲ့ အိမ်မက်၊ စိတ်ကူး၊ မျှော်လင့်ချက်တွေ ရိုက်ချိုးခံလိုက်ရရုံတင်မက အသက်ရှင်သန် ရပ်တည်ဖို့ပါ ခက်ခဲခဲ့ရအောင်
လုပ်ဆောင်နေတဲ့ အာဏာရူး ရာဇဝတ် လူဆိုးဂိုဏ်းတခုရဲ့ တိုင်းပြည်အာဏာကို လုယူခဲ့တာ (၄) နှစ် ပြည့်ခဲ့ပြီ ဖြစ်ပါတယ်။
ဘယ်လိုပဲ ခက်ခဲ ကြမ်းတမ်းနေခဲ့ပါစေ (၄) နှစ် တိုင်အောင် မပြီးသေးတဲ့ နွေဦးတော်လှန်ရေး အပေါ် ယနေ့အထိတောင့်ခံလာတဲ့ တော်လှန်ပြည်သူရဲဘော်အပေါင်းတို့ကို အထူးလေးစားဂုဏ်ယူမိကြောင်း ပထမဆုံးအသိပေးချင်ပါတယ်
🤗
ဒီ (၄) နှစ် အတွင်းမှာလည်း ကျွန်မတို့ပြည်သူတွေအယောက်စီတိုင်းမှာ အာဏာသိမ်းဖြစ်စဥ်အပေါ် ပြင်းထန်တဲ့ခံစားချက်များ အသီးသီးရှိနေမှာ ဧကန်မုချဖြစ်ပါတယ်။ ဒီအတွက်ကြောင့် တော်လှန်ပြည်သူတစ်ဦးချင်းရဲ့ ရင်တွင်းခံစားချက်တွေကို ထုတ်ဖော်၊ ဖွင့်ဟပြောဆိုကြဖို့လိုပါတယ်။ ကျွန်မတို့ရဲ့ ရင်တွင်းခံစားချက်များကို ထုတ်ဖော်ပြီး တစ်ယောက်ကိုတစ်ယောက် ဖေးမနှစ်သိမ့်ကူကြရအောင်နော်။
တော်လှန်ရေး (၄) နှစ်မြောက်မှာ “ပြည်သူမှပြည်သူသို့” လို့ခေါင်းစဥ်ပေးထားတဲ့ အစီအစဥ်တစ်ခု ပြုလုပ်သွားဖို့ရှိပါတယ်။ ထိုအစီအစဥ်မှာတော့
■ တော်လှန်ရေးနဲ့ပတ်သက်၍ဖြစ်စေ၊
■ အကြမ်းဖက်စစ်အုပ်စုတို့နဲ့ပတ်သက်၍ဖြစ်စေ၊
■ သူတို့ရဲ့မတရားတဲ့ ဥပဒေ လုပ်ရပ်တွေကြောင့် ဘယ်လိုထိခိုက်နစ်နာခဲ့ရလဲနဲ့ ပတ်သက်၍ဖြစ်စေ၊
■ တော်လှန်ရေးမှာ ဦးဆောင်နေသူများကို အားမရသည့်ကိစ္စရပ်များနှင့်ပတ်သက်၍ဖြစ်စေ၊
■ တော်လှန်ရေးပြီးသွားသည့်အခါ ကိုယ်ကဘယ်လိုဘ၀/ နိုင်ငံမျိုးကို ပုံဖော်ထားတာလဲနဲ့ပတ်သက်၍ဖြစ်စေ
မိမိရဲ့ရင်တွင်းထဲကခံစားချက်များကို ထုတ်ဖော်၊ ပြောပြ၊ ပြသ၊ ရေးပေးဖို့ဖြစ်ပါတယ်။
ဒါတွေ ပေးပို့နိုင်ပါတယ်။
👇👇👇👇
📸 တောင်းဆိုချက်တွေ၊ ခံစားချက်တွေကို ရေးသားထားတဲ့ စာရွက်၊ ပိုစတာ စတာတွေကို ကိုင်ဆောင်ထားတဲ့ ဓာတ်ပုံများ၊
📝 သီကုံးဖော်ကျူး၊ ရေးစပ်ထားတဲ့ တော်လှန်ကဗျာများ၊
📃 ရင်တွင်းခံစားချက်တွေကို ရေးသားထားတဲ့ စာများ
📹 ရင်တွင်းခံစားချက်တွေကို ထုတ်ဖော်ပြောဆိုထားတဲ့ Video များ
🎵 ရင်တွင်းခံစားချက်တွေကို ထုတ်ဖော်ပြောဆိုထားတဲ့ အသံဖိုင်များ
စသည်ဖြင့် မိမိအားသာရာပုံစံနဲ့ လာရောက်ပေးပို့နိုင်ပါတယ်ရှင့်။
🚨 Feb (၁) ရက်နေ့ကစပြီး လကုန်အထိ မိမိအဆင်ပြေတဲ့အချိန် Blood Money Campaign ရဲ့ ဖေ့ဘုတ် မက်စင်ဂျာ၊ တယ်လီဂရမ်နှင့် အင်စတာဂရမ်တို့ကို လာရောက်ပေးပို့နိုင်ပါတယ်။ ပေးပို့လာတဲ့ ဓာတ်ပုံ၊ ကဗျာ၊ စာ၊ Video၊ အသံဖိုင် တွေကို တသုတ်စီခွဲပြီး ကျွန်မတို့ရဲ့ Blood Money Campaign ဆိုရှယ် မီဒီယာတွေမှာ ပြန်လည်ဖော်ပြပေးသွားမှာဖြစ်ပါတယ်။
🔺️ ကန့်သတ်ချက်များ (Limitations)
ကျွန်မတို့ ဒီအစီအစဥ်ကိုတော့ စည်းကမ်းချက် များများစားစား မသတ်မှတ်ထားပါဘူး။ တစ်ခုလေးဘဲ ကန့်သတ်ချင်တာက အနှုတ်သဘောဆောင်တဲ့ စကားလုံးအသုံးအနှုန်း (ဆဲဆိုခြင်း) များ၊ မိမိနှင့် အမြင်မတူသူများအပေါ် ပုတ်ခတ်ပြောဆိုခြင်း စတာတွေကိုတော့ မလုပ်ဆောင်ဖို့ မေတ္တာရပ်ခံပါရစေနော်။
#People2People #BloodMoneyCampaignMM #SpringRevolution_4thAnniversasry
